insaan

Insaan

Awara hai, banjara hai

Yeh reet riwaj ka mara hai

Insaan yahaan,insaan wahan

Na deen koi, na thikana yahan

Rishton ke taane-baane me phasa

Pyaar ke daaman ko tarasta bechara hai

Banjaara hai, nakara hai

Yeh haal-e-dil ka maara hai

Sneh dhoondhta dar-b-dar

Dhokhon ke khanjaron ka maara hai

Choten seh kar, dard seh kar

Phir bhi safar karta jata hai

Aankhen khol tu aankhen khol

Kaun apna kaun paraya hai

Na pyaar yahan na rishte yahan

Bus tanhaaiyon ka sahara hai

Yeh jhuthe sanskaaron ki duniya hai

Riwajon ke palle se muh dhake

Yeh gala kaatne aaya hai

Na dost na humsafar hai yeh

Ye to bus tera chain chheeenne aya hai

Nakaara hai, bechara hai

Yeh ummidon ka maara hai

Tu dekh zara ummed kahan

Kispe tu kare vishwas yahaan

Har koi yaar ke mukhaute me

Tera sahara chhenne aya hai

Maasoom yeh bechara hai

Pyaar,parivaar aur ummidon ke bandhan ka maara hai

Yahaan na deen,na bandhu, na aashiq hai koi

Yeh sab natak ke kirdar hai

Do pal behlane, do pal muskuraane

Phir laapata yeh ho jane hain

Akela aya tha, akela jaega

Yeh sab to sirf fasane hain.

-Niharika Singh